१ सय ३३ जना यात्रु बोकेको हवाईजहाज चीनमा दुर्घटनाग्रस्त
१३३ जना यात्रु बोकेको चाइना इस्टर्न यात्रुवाहक जेट दक्षिणपश्चिम चीनमा दुर्घटनाग्रस्त भएको छ र पहाडमा आगलागी भएको छ भने ह’ताह’त अज्ञात भएको छ, राज्य प्रसारक सीसीटीभीले सोमबार रिपोर्ट गरेको छ।
बोइङ ७३७ विमान गुआङ्सी क्षेत्रको वुझाउ सहर नजिकैको ग्रामीण इलाकामा दुर्घटनाग्र’स्त भयो र “पहाडमा आगलागी भयो”, सीसीटीभीले प्रान्तीय आपतकालीन व्यवस्थापन ब्यूरोलाई उद्धृत गर्दै भन्यो। घटनास्थलमा उद्धार टोली पठाइएको बताईएको छ ।
सीसीटीभीले भन्यो, “१३३ यात्रु बोकेको चाइना इस्टर्न एयरलाइन्सको बोइङ ७३७ विमान टेङ काउन्टी, वुझाउ, गुआङ्सीमा दुर्घटनाग्रस्त भएको छ र पहाडमा आ’गला’गी भएको छ।”
चाइना इस्टर्न एअरलाइन्सको बोइङ ७३७ जहाज गुवाङ्सी प्रान्तमा दुर्घटनाग्र’स्त भएको चिनियाँ सरकारी टेलिभिजन सीसीटीभीलाई उद्धृत गर्दै समाचार संस्था एएफपीले जनाएको छ । हवाईजहाज युनान प्रान्तको राजधानी कुनमिङबाट ग्वान्जाओका लागि उडेको थियो ।
चीनको वायुसेवा उद्योगको सुरक्षा रेकर्ड विगत एक दशकमा विश्वमा उत्कृष्ट रहेको छ। एभिएसन सेफ्टी नेटवर्कका अनुसार, चीनको अन्तिम घातक जेट दुर्घटना २०१० मा भएको थियो, जब हेनान एयरलाइन्सले उडाएको एम्ब्रायर ई-१९० क्षेत्रीय जेट कम भिजिबिलिटी भएको यिचुन एयरपोर्टमा दुर्घटनाग्र’स्त हुँदा जहाजमा सवार ९६ जनामध्ये ४४ जनाको मृत्यु भएको थियो।
