नेकपाको अध्यक्षमा केपी ओलीलाई हटाएर माधव नेपाल आए, अरु भए यस्ता निर्णय
एकिकरण पुरा नहुँदै अनौपचारीक रुपमा दुई टुक्रा भएको नेकपाको प्रचण्ड नेपाल समुहले माधव कुमार नेपाललाई अध्यक्ष बनाउने भएको छ । नेकपा भित्रको केपी ओली समुह र प्रचण्ड तथा माधव नेपाल समुहले केन्द्रिय समितिको समानान्तर बैठक गरेका छन् ।
ओली इतर समूहले माधव नेपाललाई पार्टी अध्यक्ष प्रस्ताव गरेको हो । मंगलबार कार्यकारी अध्यक्षप्रचण्डसहितको ओलीइतर समूहको स्थायी समिति बैठकले माधव नेपाललाई पार्टी अध्यक्ष बनाउने प्रस्ताव गरेको एक स्थायी समिति सदस्यले जानकारी दिएका छन् । ओली पक्षको केन्द्रिय समितिको बैठक विहान वालुवाटारमा भएको थियो भने दिउसो १ वजे प्रचण्ड र माधव नेपाल समुहको बैठक भएको छ ।
यस्तै बैठकले ओलीलाई अध्यक्षबाट हटाउने निर्णय गर्दै नेपाललाई नयाँ अध्यक्ष बनाउने सहितको प्रस्ताव केन्द्रीय समिति बैठकमा लगिएको छ । बैठकको निर्णयअनुसार कार्यकारी अध्यक्षको प्रावधान राखिएको छैन । सोबारे छलफल गर्न अहिले नेकपाको ओली इतर समूहको बैठक राजधानीको कार्की ब्यांकेटमा सुरु भएको छ